Сабақтың мақсаты: Оқушыларға тері аурулары туралы жалпы мағлұмат беру, сындарлы ойлау, қорытынды шығару, биологиялық тілде сөйлей білу, шығармашылықпен жұмыс істей алу қабілеттерін дамыту.
Жұмыс нәтижесі: Денсаулық сақтаудың бір жолы тазалық сақтауға, ұжымшылдыққа, жағдаяттан шыға білуге дағдыланады.

Негізгі идеясы: Тері аурулары жайлы білім көзінің қалыптасуы.

Қолданылған әдістері мен тәсілдері:

Диалогты оқыту: сұрақ қою, әңгімелесу;

Сыни тұрғыдан ойлауға үйрету: Сандарды сөйлету, сөзжұмбақ, ролдік ойын,эссе.

Оқуды және оқыту үшін бағалау: «екі жұлдыз, бір тілек», смайликтер, қол шапалақтау;

АКТ-ны қолдану: таныстырылым жасау.

Ынтымақтастық және топтағы бірлескен жұмыс.

Ресурстар: компьютер, проектор, интерактивті тақта, флипчарт қағаздары, түсті қағаз, маркерлер, дидактикалық таратпа материалдар,желім, қайшы.

Сабақтың өтілетін уақыты: 45 минут.

Сабақ жоспары:

Ұйымдастыру: жағымды психологиялық көңіл-күй орнату. Оқушыларды 3 топқа бөлу (І топ Эпидермис, ІІ топ Дерма, ІІІ топ Гиподерма), сергіту сәті.

Сабақ барысы: Блум таксономиясы бойынша

Рефлексия:

Үйге тапсырма:Тақырыпты оқу. Интернет желісінен тері аурулары туралы мағлұматтар жинау.

Блум таксономиясы бойынша сабақ барысы:

1.Білу кезеңі. Үй тапсырмасын тексеру.

І топ. Сәйкестігін табыңыз.

Жауабы:

1. Тері—біздің организмді сыртқы ортадан бөліп тұратын жамылғы .
2. Тері Д витаминінің түзілуіне қатысады.
3. Дәнекер ұлпасынан түзілетін екінші қабат дерма қабаты деп аталады.
4. Май клетчаткасында қоректік заттың қоры бар.
5. Эпидермистің сыртқы қабаты- мүйізді қабат.
6. Дермада тер бездері …,шаш түбірі,тырнақ негізі бар.
7. Терінің сыртқы қабаты- эпидермис.
8. Тері ауруларын емдейтін дәрігерді дерматолог дейді.
9. Шаш ,түктер, тырнақ -эпидермистің қосалқы мүйізді түзілістері.
10. Тырнақ -саусақ ұштарының сыртында орналасқан жалпақ мүйізді түзіліс.

ІІ топ. Сұрақ — жауап.

1. Терінің маңызын атаңдар.
2. Тері қандай қабаттардан тұрады?
3. Тері түсі неге байланысты?
4. Терінің мүйізді түзілісіне не жатады?
5. Тері қандай ұлпадан түзілген?
6. Май және тер бездері қандай қызмет атқарады?
7. Нағыз тері қандай ұлпадан түзілген?
8. Тері дегеніміз не?

ІІІ топ. Сызбанұсқаны толтырыңдар.

2. Түсіну кезеңі. Жаңа сабақты меңгерту.Оқулық бойынша топтық жұмыс\ мәтінмен жұмыс, түртіп алу.

Оқулықпен жұмыс, постер салу, өз тақырыптарын қорғау.

І топ: Тері аурулары.

ІІ топ: Теріні шынықтыру.

ІІІ топ Тері және киімнің гигиенасы.

3. Қолдану кезеңі. Көрініс. «Тері аурулары» (дәрігер, медбике, науқас адамдар). Әр топ тері ауруларының белгілерін, қашан және қалай басталғанын айтады. Дерматолог науқас адамды мұқият тындап, тексеріп ауруға диагноз жасап, себебін, емделу жолдарын және алдын алу жолдарын түсіндіру керек.

4. Талдау кезеңі. Берілген сурет бойынша ойларыңызды талқылаңыздар, оған анықтама, әңгіме желісін құрастырыңыздар.

5. Жинақтау кезеңі.

Ой түйін «Тері ауруларының алдын алу өз қолымызда!»

6.Бағалау кезеңі. Ойларын жинақтауға баулу.

-Не білдім?

-Не үйрендім?

-Не меңгердім?.