Қазақстан Республикасы,Шығыс Қазақстан облысы,Күршім ауданы,Күршім ауылы
Н.Островский атындағы №4 Күршім орта мектебі
Бейнелеу өнері пәні мұғалімі
Сманжина Жадыра Нурлановна

Бейнелеу өнері пәні — оқушылардың өмірге көзқарасын қалыптастыратын, әсемдікке баулитын, өмірді тануға, сұлулықты бағалауға үйрететін пән.

Оқушылардың шығармашылық және танымдық қабілеттерінің қалыптасуына адам, табиғат, қоғам білімдері тірек болады.

Оқушылардың жеке-дара шығармашылық белсенділігін қалыптастыру, танымдық қызметі үш тұрғыда қалыптасады:

1. Сарамандық оқыту
2. Әдемілікті қабылдауға баулу
3. Танымдық қабілетін кеңейту

Осыған жету үшін мен не істеуім керек?

Енді осы сызбаға толығырақ тоқталсақ:

1. Жақсы кабинет — сапалы білім ұясы. Оқушыларға сапалы білім беруде көрнекіліктер қаншалықты рөл атқарса, оқу кабинетінің де орны ерекше. Жас ұрпаққа тәлім-тәрбие беретін, танымдық қызуғышылығын оятатын стенділермен кабинет безендірілсе оқушыларға пайдалы да тиімді болар еді. Сонымен қатар кабинетте буклеттер, әдістемелік әдебиеттер, оқушылардың шығармашылық жұмыстары болғаны да абзал.
2. Өнердің негізгі үш элементі — бейнелеу, құрастыру, безендіру болса, бейнелеу өнері-сырт ұқсастықты беріп қоймай, бейнелеп отырған заттың мәнін ашады, қайталанбас кекін-келбетін, өзіндік ерекшелігін адамның мінезінің ішкі сырын бүкіл дүниенің рең-түсімен әсемдік байлығын ашады. Әрине, оған жету үшін сабаққа көрнекіліктер аса қажет. Көрнекіліксіз сабақ тұзсыз аспен тең, дәмі татымайды, терең ұғынуға жеткізбейді. Көрнекі құралдарды пайдаланумен өткен сабақтың тиімділігі өте көп. Біріншіден материалды түсіндіруге, екіншіден, оқушыға жаңа материалдарды меңгеруде жеңілдік туғызады, үшіншіден, оқушының бейнелеу өнеріне деген ынтасын, танымдық қызығушылығын арттырады, төртіншіден, оқушының есте сақтау, көру сезімдерін жетілдіреді.

Мұғалімнің өз сөзі мен көрнекілікті ұштастыра білуі бейнелеу өнері пәнінің теориялық материалын оқушылардың сапалы да, білгір меңгеруінің практикалық дағдысын қалыптастырады.

3.Көркем суреттердегі әдемілік.

Портрет, натюрморт, картина, пейзаж, композиция, түр-келбеті, әдемілігі, көркемсурет және ән-саз. Міне, осының барлығы оқушы қызығушылын арттыруы мүмкін. Мұғалім сабақ үстінде оқушыларды қызықтырып жүрген бар мәселелерді қамтамасыз ете алмайды. Сол себепті танымдық қызығушылықтарын арттыру сыныптан тыс жұмыс арқылы жүзеге асады. Сондықтан оқушы бойындағы дарынды ашып, елдің тарихына, салт-дәстүріне, суретшілер өнеріне сүйіспеншілік туғызу үшін сыныптан тыс жұмыстар жүргізу керек. Соның ең тиімді жолы — сайыс сабақтар жүргізу.

4 . «Айналадағы әсемдікті түсіну,таңырқана тамашалау адамды жарқын қуанышқа бөлейді, тамашаға таңқалдыра тәрбиелеу тәтті қиял туғызады, эстетикалық рахатқа бөлейді.»

Н.Г. Чернышевский

Оқушылардың қызығушылық, шығармашылық жұмысын дайындастыруды төрт кезеңге бөлуге болады.

Мысалы:

1. Оқушы жұмысты бастамас бұрын, оның негізгі мақсатын айқындап алуы керек. Мақсаты: сабақта алған білімін тереңдете отырып, берілген тақырып бойынша ізденіс жұмыс жүргізу.
2. Оқушы таңдап алған шығармаларына байланысты, көрсетілген шығармалардан нақты материалды сұрыптап алуды үйретеді.
3. Оқушы өз бетімен жұмыс істеуге дағдыланады.
4. Оқушы өзінің ізденіс тақырыбын қорғауға дайындалады. Ең үздік шығарма оқушылар арасында өтетін ғылыми-конференцияға ұсынылады.