Сабақтың жалпы мақсаттары

Дарынды оқушыларды табу,олардың қабілеттерін ашу, алған білімдерін өмірде қолдана білуге үйрету,сергектік, зеректік және логикалық ойлау дағдыларын қалыптастыру, сыни тұрғыдан ойлауға,іздемпаздыққа, қырағылыққа тәрбиелеу.

Сабақтың типі, түрі

Жарыс сабақ, математикалық танымдық ойын.

Стратегиялар,әдіс-тәсілдер

Оқыту мен оқудағы жаңа- тәсілдер. СТО, миға шабуыл, ой шақыру.

Дерек көздері

Энсиклопедия, интернет ақпараты, «Шың-кітап» логикалық сұрақтар 2011 жыл.

Көрнекіліктер

Тапсырмалар, үлестірмелер, геометриялық фигуралар.

Күтілетін нәтиже

Оқушылар математикадан алған білімдерін көрсете алады, өз ойын тез жеткізе алады, сыни тұрғыдан ойлана алады.

Сабақтың кезеңдері

Мұғалімнің іс-әрекеті

Оқушының іс-әрекеті

Бағалау

Ұйымдастыру кезеңі

(5 мин)

-Құрметті ұстаздар, қонақтар және оқушылар сіздерге бүгінгі математика әлемінеде «Озық ойлы оқушы» атты математикалық танымдық ойынға қош келдіңіздер демекпіз.

Танымдық ойынымызға 8-10 сынып оқушылары қатысып отыр.

Біреуінің жүрегінің түгі бар.

Біреуінің арқалап жүрген қоғамдық жүгі бар.

Біреуінің күмбірлеген күйі бар.

Енді біреуінің қатты істейтін миы бар-дей келе ойынымызға қатысушыларды ортаға шақырамыз.

Психологиялық көңіл-күй ортату.

Мақсаты: Танымдық ойынға қатысушылар арасында жағымды эмоция орнату.Оқушыларды ынтымақтастық қарым-қатынасқа түсіру.

«Амандасу» үш елдің бір-бірімен амандасу дәстүрін көтсету.

Қазақша-төс қағысу.

Европаша-қол алысу.

Кенияша-«адаму» деп билеп амандасу

Оқушылар отраға шығады.

Оқушылар үш елдің амандасу салты бойынша бір-бірімен амандасады.

Жарайсыңдар, мадақтау

Кіріспе бөлім

(5 мин)

1.Топқа бөлу.

«Үйшіктер мен тұрғындар» ойыны.

Ойын үш рет қайталанады Үйшіктер дегенде үйшік құрған оқушылар ауысады, тұрғындар дегенде үйшіктің астындағы тұрғындар ауысады.

2.Әділқазы алқасын сайлау

3.Ойынға қатысушылар өздерін таныстырады.

Стикерге аты-жөні, қазіргі кездегі арманың, ойынға қатысудағы мақсатын жазу.

Екі оқушы қолдарын жоғары көтеріп үйшік құрайды. Қалған оқушылар тұрғындар болып үйшіктердің астына келіп тұрады.Оқушылар тұрғындар, үйшіктер болып ауыса жүріп, топ құрайды.

Оқушылар стикерге үш сауалға жауап жаза отырып, өздерін таныстырады.

Жарайсыңдар, мадақтау

Таныстырылым 3-5 ұпай аралығында бағаланады.

Негізгі бөлім

(30 мин)

1-кезең Жеке жұмыс

«Ойжүйрік» математикалық викторина

2-кезең Жұппен жұмыс

«Тапқыр достар» логикалық сұрақтар

3-кезең Топпен жұмыс

«Білгірлер отауы» геометриялық фигуралар сыр шертеді.

4-кезең Ойыншылармен ортақ сұрақ.

«Сен білесің бе?» тарихқа шолу

5-кезең Жеңімпаздармен жұмыс

«Ұшқыр оймен, шешен тіл» айтыс

1) Алгебра сөзі қандай сөзден шыққан? («Әл-жебр» деген арап сөзі)

2) Геометрия сөзі грекшеден аударғанда қандай ұғымды білдіреді? (жер өлшеу)

3) Параллелепипедтің неше жағы, неше қыры бар? (6 жағы, 12 қыры)

4) 2 ғасырда неше жыл бар? (200)

5) Бұрышты өлшейтін құрал. (транспортир)

6) Дәлелдеуді қажет етпейтін тұжырым.(аксиома)

7) Қандай өрнекті әріпті өрнек деп атайды? (құрамында әріпі бар)

8) Теңбүйірлі үшбұрыштың табанындағы бұрыштары қандай? (тең)

9) Шеңбердің ұзындығының формуласы. (2ПR)

10)Барлық қабырғалары тең тіктөртбұрыш. (шаршы)

11) Үшбұрыштың ішкі бұрыштарының қосындысы неге тең? (180⁰)

12) Шеңбердің ең үлкен хордасы қалай аталады? (диаметр)

1) Үш бала 17 бауырсақ жеді. Ең көп жеген Асан. Аз дегенде Асан неше бауырсақ жеген? (7)

2) Сықырлаған арба үстінде келе жатқан екі жолаушының біреуі жолдың жартысын өткенде жолдың жартысының жартысын ұйқтайды. Жолаушы жолдың қанша бөлігін ұйқтайды? (1/4)

3) Аспанда құстар ұшып жүр: торғай, инелік, қарлығаш, шыбын, қарға, ара. Олардың қаншасы құс? (3)

4) 7 санымен аяқталатын сан берілген. Ол 300-ден артық та, 310-нан кем. Берілген санды тап. (307)

5) Бағбанның 24 ақ, 42 қызыл, 36 сары раушан гүлдері қалды. Ол барлық гүлдерді пайдаланып, ең көп дегенде қанша гүл шоқтарын жасай алады. (6 гүл шоғы)

6) Арыстан бір қойды 2 сағатта, каскыр 3 сағатта ал ит 6 сағатта жей алады. Олар барлығы қосылып осы қойды қанша сағатта жей алады? (1 сағатта)

7) Қоршаудың ар жағынан 4 адам аяғы және 4 аң аяғы көрініп тұр. Қанша адам, қанша аң? (2 адам, 1 аң)

8) Аңның 2 оң аяғы, 2 сол аяғы, 2 алдыңғы аяғы, 2 артқы аяғы бар. Аңның барлығы неше аяғы бар?(4)

Фигуралардың атын табу, олар туралы не білеміз және сыни тұрғыдан ойлау арқылы фигураларды орналастыру, Орналастыру себебін түсіндіру.

1.Тік бұрышты үшбұрыштарға қатысты теореманың авторы кім? (Пифагор)

1)Тік бұрышты үшбұрыштың анықтамасын айту

2)Пифагор теоремасын айту.

3) Пифагор қай елдің математигі?

2. Аты координаталық жүйемен байланысты математик кім? (Р. Декарт)

1)Координата түзуі дегеніміз не?

2)Декарт қай елдің математигі?

3.Келтірілген квадрат теңдеу түбірлерін дәлелдеген метематик кім? (Виет)

1) Квадрат теңдеудің анықтамасы

2) Виет теоремасы айту

3) Виет қай елдің математигі?

Соңғы екі ойыншы мына ойды дәлелдейді

а) ХХI ғасырда математиканың пайдасы.

ә) XXI ғасырда математиканың зияны.

Әрбір ойыншы бір сұрақ ала отырып бірден жауап береді.

Ойыншылар жұптасып логикалық сұрақтарға жауап береді.

Ойыншылар топ болып фигураларды постерге орналастыра отырып, өз ойларын жеткізеді.

Ойыншылар сұраққа жауап береді.

Екі оқушы өздері алған тапсырма бойынша өз ойларын білдіреді.

Дұрыс жауап-5 ұпай

Дұрыс жауап -5-10-15 ұпай

10,20,30 ұпайға дейін бағалау

Толық жауап-30 ұпай

Жартылай жауап-20 ұпай

Сұраққа жауап-10 ұпай

Шешендікке-10 ұпай

Қорытынды бөлім

(3 мин)

Рефлексия (2 мин)

Әділқазы есебі

«Озық ойлы оқушы» ойынының жеңімпазын марапаттау

Оқушылардың танымдық ойынға кері байланысы

Жинаған ұпай санын айту.

Екі жұлдыз,бір тілек