«Жігіт сұлтаны»

(ДАЯРЛЫҚ ТОБЫ)

Музыкалық композициясы жалаумен «Прощание славянки»

Сабақтың мақсаты: тәрбиеленушілерді отансүйгіштікке, батырлық пен батылдыққа баулу. Жеңіске 70 жыл, 7 мамыр «Ұландар» күніне орай ұл балалар арасында «Жігіт сұлтаны» сайысын ұйымдастыру. Бойындағы өнерлерін көрсетіп, жеңіске жетуге талпыну. Мәдениеттілік пен әдептілікті бойларына сіңіріп, шығармашылықтарын одан әрі дамыта түсу.

Көрнекілігі: әдемі безендірілген шарлар, плакатқа салынған суреттер мен мақал-мәтелдер.

Барысы: Қазақстан тәуелсіздік алғалы көптеген жақсы істер мен жетістіктерге қол жеткізгеніміз баршаңызға аян. Міне, бүгін де Жеңіс күні мен «Ұландар күнін» тойлағалы жатырмыз. Баршаңызды Жеңіс күнімен ал, әкелер мен ұлдарымызды 7-мамыр «Ұландар» күнімен құттықтаймыз.

Жүргізуші: Береке де осында,

Мереке де осында.

Болып жатыр той-думан,

Қырандардың қасында, -

Дей келе, балабақша ұлдары арасында өткізгелі тұрған «Жігіт сұлтаны» сайысын ашық деп жариялаймыз.

1-бала: Асқақтаған ән дайын,

Күмбірлеген күй дайын.

Ал, қанекей қырандар!

Босқа қарап тұрмандар.

Бастап жігіт өнерін,

Алыстарға самғаңдар, -

деп сайыскерлерімізді қошеметпен қарсы алу.

Жүргізуші: Сайысымыздың жоспарымен таныстыру:

I. «Мен қазақтың ұлымын» таныстыру.

II. «Өнерлінің өрісі кең» өнер көрсету.

III. «Адам көркі - шүберек» сән көрсетілімі.

IV. Күш сынасу.

V. Қорытынды.

2-бала: Келді міне, бүгін сын алуға,

Сын алып үлкендерден үлгі алуға.

Салты бар өнерлі осы ортада,

Берер деп әділқазы әділ баға.

Әділқазы алқасымен таныстыру.

Сайыскерлер өз номерлерін анықтау.

I

2-бала: Беташар сайысымыздың бастайық,

Көрерменді бір серпілтіп тастайық.

Сайыскерлер таныстырып өздерін,

Білгірлерді ду қол соғып қостайық.

3-бала: Той пердесін ашайық,

Тойға шашу шашайық.

Қонақтарды құрметтеп,

Би қимылын жасайық.

Би «Теңізшілер»

4-бала: Ал, кімнің өнері бар қаншалықты,

Би билеп, ал біреуі ән салыпты.

«Өнерлінің өрісі кең» байқауында,

Қол соғып, барша халық тамсаныпты.

«Мен қазақтың ұлымын» таныстыру

II

5-бала: Мың бұралып би билеп,

Шығамыз біз ортаға.

Бүгінгі той тамаша,

Қуанамыз балаша.

«Достық би»

6-бала: Білім оймен арымыз,

Рухани нәріміз.

Сайыскерлер сіздерге,

Қол соғамыз бәріміз.

«Өнерлінің өрісі кең» өнер көрсету

III

7-бала: Құлақтан кіріп бойды алар,

Әсем ән мен тәтті күй.

Көңілге түрлі ой салар,

Әнді сүйсең менше сүй.

Ән «Солдат болам мен ертен»

«Адам көркі - шүберек» сән көрсетілімі

IY

8-бала: Ат өнері білінбес,

Бәйгеге түсіп жарыспай.

Ер өнері білінбес,

Қоян-қолтық алыспай.

Күш сынасу

Y

9-бала: Мың бұралып би билеп,

Ән де салып береміз.

Осылайша шаттықпен,

Біздер өсіп келеміз.

Би «Қара жорға»

Әділқазыларға сөз. Марапаттау.

Жүргізуші: Бүгін міне, оң болып әр сөзіміз,

Жоғары боп күш-жігер намысымыз.

Осылайша қуанышпен думандатып,

Аяқталды халайық сайысымыз.