Мақсаты: Мезгіліне орай табиғаттың өзгерістері туралы балалардың білімдерін кеңейту.

Тәрбиеші сұрақтарды қояды:

1. Балалар, қазір жылдың қай мезгілі? (Қазір жылдың (мещгілі — күз)

2. Қалай білдіңдер күз екенін? (Адамдар жылы киінді, күн суытты, құстар ұшып кетті, ағаштар сарғайды)

3 — Барлық ағаштардың түстері өзгердіме? (жоқ, кейбіреулер әлі жасыл)

4 — Қай ағаш бірінші болып сарғаяды? (ең бірінші аққайың ағашы сарғаяды)

5 — Қай ағаштың жапырақтары әлі жасыл? (қарағай ағаштың жапырақтары әлі жасыл)

Көркем сөз:

Сарғайды тоғай

Сап - сары маңай,

Соңғы ән айтып

Құс кетті ұшып.

Жапырақ ұшты,

Күнде де суытты

Сонда да бізге

Көп қызық күзде.

Тәрбиеші балаларға үйеңкі ағаштың жапырақтарына бақылауға ұсынады.

- Ағаштар үшін жапырақтың түсуі маңызды ма? (ия, ағаштар қысқа дайындалады)

- Егер жапырақтар күзде түспесе, не болар еді? (жапырақтар қыста қатады, қар түскенде бұтақтарға ауыр болады, олар сынады.)

- Ағаштар жапырақтың түсуімен де өліп қала ма? (жоқ, ағаштар өлмейді, қыс бойы тұрады, көктемде қайтадан бүршік жарып, жапырақ шығады)

Жұмбақтарды жасыру:

1) Сары, қызыл кемелер

Су бетінде қалқиды

Жел қатты соқса егер

Ылғиды, толқиды. (жапырақ)

2) Ағайынды бәрі,

Жазда — жасыл

Күзде — сары (жапырақ)

3) Ағаш толы сары шымшық

Сілкіп көрсең түседі ұшып (жапырақ)

-Барлық жапырақтар бірдей түсе ме?(жоқ, ұшып кетеді, айналып түседі, бұтақтарға ілініп кетеді)

Зерттеу іс әрекеті: Айналып түскен жапырақты тап.

Бұтақтан жұлынып түскен жапырақты тап.

Түскен жапырақтардан ою — өрнек құрастыр.

Еңбек: Аула сыпырушыға көмектесеміз.

Жапырақтарын жинап шығарамыз.

Мақсаты: Жұмыс ұйымдастырып істеуге дағдыларын бекіту.

Жеке дара жұмыс: Қимыл — қозғалысты дамыту. Дененің салмағы бір аяқтан, екінші аяққа өзгертіп.

Мақсаты: Аяқ алшақ қалпында отыру дағдыларын бекіту.

Өз еркін ойындар: ойыншықтарды қолданып, аулада ойнау.

Қимылды ойын: «Аңшы мен қояндар»

Мақсаты: Шапшаңдыққа, қимыл қозғалысқа жаттықтыру.