Ақтөбе қаласы, Новый орта мектебі

Информатика пәні мұғалімі Бергазина Жанаргуль Умирбековна

Қысқа мерзімді жоспар

Мектепішілік 6 «Б» класында өткен ашық сабаққа талдау туралы

рефлексивтік есеп.

2016 жылдың қаңтар айының 18 күні 6 «Б» класына «Мәтінді пішімдеудің негізгі тәсілдері» тақырыбында ашық сабақ өткіздім. Сабақтың мақсаты оқушыларда атау жазулар мен суреттерді пішімдеу туралы түсінік қалыптастыру, топпен жұмыс жасауға баулу, сыни тұрғыдан ой-өрісін дамыта отырып, өз бетінше жұмыс жасауға үйрету.

Сыныптағы атмосфера — бір қатар факторлардың, олардың ішінде ең негізгілері — тұлға аралық қатынастар мен оқушыларды оқыту үдерісіне тарту негізінде сыныпта қалыптастыратын атмосфера. [2,38] Осыған орай сабақтың ұйымдастыру кезеңінде ынтымақтастық атмосферасын орнату үшін оқушылардың зейінін сабаққа аударып, бірлесе жұмыс жасау мақсатында «Мен саған тілеймін» тренингі арқылы бастадым. Оқушылар дөңгелене тұрып, бір-бірлеріне сабаққа тілектерін айтады.

Үй тапсырмасын сұрау мақсатында «Ұшқыш доп» әдісін пайдаландым. Бұл әдістің мақсаты оқушылар қолдарындағы допты лақтырып, оқушыларға сұрақ қояды. Оқушылар қойылған сұрақтарға жауап бере отырып, келесі оқушыға допты лақтырып келесі сұрақтарды қою арқылы қортындылайды.

[img]file:///C:UsersAdminAppDataLocalTempmsohtmlclip1�1clip_image019.jpg[/img]

Сонымен қатар сабағымды жинақтап және оқушыға жауапкершілікті сезіндіру үшін топқа бөлуді жөн көрдім. Оқушыларды «Қаріптер», «Символдар» және «Интервалдар» сөздері бойынша 3 топқа бөлдім.. Класта барлығы 13 оқушы, 3 топқа бөлгенде, әр топқа 4 оқушыдан құралды. 1 оқушы сабаққа келген жоқ. Сонда әр топ мүшелері 4 оқушыдан құралды.

Сабақтың кіріспе бөлімінде оқушылардың қызығушылығын ояту аясында интерактивті тақтаның мүмкіндіктерін тиімді пайдаландым. АКТ-ны пайдалану тиімділігі — мағананы түсінуде басты көрнекілік, оқушылардың өзара әрекет етуі, өз бетінше білім алуына, жаңа материалды игеруде қызықты материалдар көрсетуге мүмкіндік береді және оқушыларға бағыт — бағдар беріп, олардың зейінін сабаққа аударып, Атау жазулар мен суреттерді пішімдеу көрнекілік суреттер арқылы тақырыптың мазмұнын ұғынуға, тақырыпты түсінуге бағытталды. Оқушыларды ойландыратындай жетекші сұрақтар қойылып, сыни тұрғыдан ойланып жауап беруіне жетеледім.

[img]file:///C:UsersAdminAppDataLocalTempmsohtmlclip1�1clip_image021.jpg[/img]

Жаңа сабақты өздігінен меңгерту үшін топтарға тапсырмалар бердім.1-топ және 3-топ оқушыларына пішімдеудің тәсілдерін топтастыруға ал 2-топқа символдармен жұмыс жасау тәсілдерәмен жұмыс жасауға тапсырма бердім.

[img]file:///C:UsersAdminAppDataLocalTempmsohtmlclip1�1clip_image023.jpg[/img] [img]file:///C:UsersAdminAppDataLocalTempmsohtmlclip1�1clip_image025.jpg[/img]

1 топ оқушылары мәтінді мазмұндады. Тақырыпты түсіндіру кезінде Нұрайна (дарынды) мазмұнын ашып ,нақты түсіндірді. Алихан (орташа) өзге сабақтардағыдай емес, мәтінді жүйелі ,түсіндіре білгенін ерекше атап өткім келеді. 2-топ ізденушілер берілген үлестірме материалдары бойынша жинақтап, ойларын ортаға салып, пікірлесті. Жаннұр (дарынды) өз ойын жүйелі, нақты жеткізсе, Гүлназ (орташа) жасаған жұмыстарын жасаған жұмыстары арқылы қорытындылады. 3-топ оқушылары өз ойларын жүйелі жеткізе отырып, Баубек (дарынды) жұмысты толық мағлұмат бойынша, ал Тамерлан (орташа) жұмыстарын жүйелі қорытындылады.

Топтық жұмыста белсенді жұмыс жасап отырған оқушылар: Меруерт, Айдана, Баубек, Жаннұр. Әр топ постерлерін қорғау үшін топпен шығуды ұйғарды.

І және ІІ- топтың мүшелері берілген тапсырманы топпен талқылап, салыстыра отырып, талдады. Кумулятивтік әңгімеде оқушылар бір-бірінің ойларын әрі қарай жалғастырды, қайталанған жауаптар болды. Топтағы оқушылардың барлығы да өз әлінше араласып, өз ойларын айтып қалып отырды. Ал ІІІ — топ қосымша ақпарат, дерек көздерін пайдалану арқылы І топтын берген мағлұматына қосымша мағлұматтар қосып, символдарды қолдану тәсілдеріне кеңінен тоқтап, қорытындылады. Әр топтың жауабынан соң берген жауабының деңгейіне байланысты бір шапалақпен қолпаштап отырды .

[img]file:///C:UsersAdminAppDataLocalTempmsohtmlclip1�1clip_image027.jpg[/img]

Сабақта оқытушы ретінде оқушылардың теориялық білімді қалай меңгергендігін және оны практикада қалай пайдаланатынын бақылау керек болатын.

[img]file:///C:UsersAdminAppDataLocalTempmsohtmlclip1�1clip_image029.jpg[/img]

Бұл мақсатқа жету үшін оқушыларға деңгейлік тапсырмалар орындаттым. Тапсырманы орындау барысында әр оқушының орындап отырған жұмысын бақылап, жұмысын тексеріп бағалап жүрдім. Практикалық бөлімде өзін көрсете білген оқушылар: Баубек, Жаннұр, Меруерт, Айдана көрсете білді. Алихан да қалыс қалмады. Бір-бірлерінің жұмысын көріп, бақылай отырып, барлық оқушылар белсенділік көрсетуге тырысты. Сабақ мақсатына жетті деп айта аламын. Топтық таныстырылмды қорғауда, практиканы орындауда өзім бақылап, тексеріп бағаладым. Нақты бағаны сабақ соңында журналға қойдым.

Сабақтың қорытынды бөлімін оқушылардың алған білімдерін қорытындылау мақсатында сұрақ-жауап түрінде қорытындыладым.

Нәтижесінде: баладан толық жауап алып сонымен қоса ойын тереңдетіп дамытуды көздей отырып, әр оқушы өзінін жауабын нақтылай түсті.

Сабақты бағалау мақсатының негізі — кері байланыс (рефлексия). Рефлексия - оқушылар, мұгалімдер үшін жетістікке жеткендігін көрсететін шартты өлшем. Осы сабақты да қорытындылау үшін, мына мақсатта рефлексия жүргіздім:

Оқушыларға «Бағдаршам» рефлексиясын пайдландым. Оқушыларға 3 түсті дөңгелекшелер таратылды. Қызыл, жасыл, сары түсті. Сол дөңгелекшелерді көтеру арқылы сабаққа рефлексия жүргізілді.

Жасыл- түсіндім, сары- сұрағыс бар, қызыл- түсінбедім.

[img]file:///C:UsersAdminAppDataLocalTempmsohtmlclip1�1clip_image031.jpg[/img]

Кері байланыс оқушыларға өздерінің оқу үдерісіне сыни тұрғыдан ойланып, сараптауға, өздерін реттеуге жақсы ықпалын тигізеді. Сабаққа белсенді және үй тапсырмасы бойынша, сонымен қатар практикалық тапсырмалар орындаған оқушылар смайликпен бағаланды.

Осы сабақты өткізу барысында сәтті және сәтсіз тұстарым да болды. Сәтті тұстарым: оқушылар сабаққа белсенді қатысты, қызығушылықтары артты, топтық таныстырылымдары өте тамаша болды. Ал сәтсіз тұсым уақыттың жетіспеуі, 2 тапсырманың біреуін орындауға уақыттың жетіспеуі. Болашақта осы сәтсіз тұсымды болдырмауға тырысамын.

Қорыта айтқанда, сабақ өтудің өзіндік ерекшеліктерін сақтай отырып, сыни ойлауын жүзеге асыруда , диалогтік әдісті тиімді қолдануда нәтижеге жетудің мүмкіндіктері мол екен.