Сабақтың тақырыбы:Б.Исаев«Күріш туралы сыр»
Сабақтың мақсаты:
а) білімділік: оқушыларға мәтіндегі негізгі ойды ұғындыру. Талдау жұмыстарын жүргізіп, мәтін мазмұнын меңгерту.
б) дамытушылық: оқушылардың есте сақтау, зерделеу қабілеттерін дамыту, алған білімін іс жүзінде қолдана білу арқылы ой-өрісін дамыту. Сөздік қорын молайту, шығармашылық қабілетін дамыту.
в) тәрбиелік: еңбек етуге, еңбек адамдарын құрметтеуге тәрбиелеу.
Сабақтың типі: жаңа білімді меңгерту.
Сабақтың түрі: дәстүрлі сабақ
Сабақтың әдістері: репродуктивті әдіс, түсіндіру, интерактивті әдіс, ой қозғау стратегиясы, шығарма кестесі, уақыт шеңбері.
Сабақ көрнекілігі: слайдтар, суреттер.
Сабақтың техникалық құрал-жабдығы: интерактивті тақта.
Сабақтың барысы:
І. Ұйымдастыру кезеңі
Психологиялық дайындық.
Ана тілім, туған тілім, бал тілім,
Сен арқылы дүние танып талпындым.
Сен арқылы әлемге аян бар ісім,
Сен өмірім таусылмайтын алтыным.
ІІ Үй тапсырмасын тексеру
1. Қ. Төреқожа «Бір дегенім»
2. Өлең құрастыру.
· Біреуге алғыс айтқан немесе біреуден алғыс алдын ба?
· Жеңіске жеткен қуанышты сәтіңді жеткізе аласын ба?
· Түзу жолды таңда, мағынасын түсіндір.
· Алғыс, жеңіс, мақсатқа жету үшін не істеу керек?
ІІІ Жаңа сабақ.
1. Жаңа сабақтың тақырыбы, мақсаты айтылады.
2. Мәтіннің авторы Базарбай Исаев туралы дерек.
3.Оқулықпен жұмыс.
1.Мәтінді оқып түсіндіру.
· Ы. Жақаев;
· М. Нұрылдаев жайлы деректер.
2. Оқушыларға мәтінді іштей оқыту.
3. Жаңа сөздермен жұмыс.
· Кетпен-еңбекшінің еңбек құралы;
· Агроном-ауыл шаруашылығының маманы;
· Бәтуаласады-уәделеседі, келіседі;
· Талғажауболар-тамақ қылар.
4. Мәтінді тізбектей оқыту.
5. Мәтін соңындағы сұрақтарға жауап беру.
1. Мәтіндегі айтылған оқиға Қазақстанның қай аймағында болған?
2. Қарт диқан неге кейіді? Диқан үшін қастерлі зат не еді?
3. Мәтіндегі ең өкінішті сәтті тауып оқы.
4. Қарт диқанның арманын кім орындады?
Жұмбақ
Аласа терек,
Алпыс бұлақ.
Бұтақ сайын ұя,
Ұя сайын жұмыртқа.
Сергіту сәті
6.Шығармашылық жұмыстар:
а) адасқан оқиғалар
· Кеш кірген ақыл.
· Қарт диқанның арманының орындалуы.
· Кетпен ұстар кім бар?
· Қарт диқанның реніші.
І топ: мәтіндегі мақал-мәтелдерді тауып, мағынасын түсіндіру.
ІІ топ: қарт диқанға хат.
ІІІ топ: лездеме.
ІV топ: шығарма кестесі.
Мәтіндегі ертегіні қалай аяқтар едің?
Сөздер банкісі. Мақсаты: берілген сөздердің ішінен бүгінгі мәтінде кездескен сөздерді тауып, бөлек алып жазу.
7. Сабақты қорытындылау.
«Уақыт шеңбері» әдісі.
Үйге тапсырма:1. Mәтінді оқып, мазмұнын айту.
2. Ақ күріштің атасы Ы. Жақаев туралы дерек.
Оқушылар білімін бағалау.
