«№ 1 жалпы білім беретін орта мектеп-интернаты» КММ
КГУ «Общеобразовательная средняя школа-интернат № 1»
Алғашқы қоңырау
Не? Қашан? Қайда? ойыны
(3-сынып. ашық сабақ)
Өткізген: қазақ тілі пәні мұғалімі
Шопанова Гүлсара Арманбекқызы
Петропавл қаласы
2014 жыл
Сабақтың тақырыбы: Алғашқы қоңырау.
Сабақтың мақсаты: 1. Оқушылармен өтілетін тақырып көлеміндегі ұғымдарды қайталау, жалғау түрлерін еске түсіру.
2. Оқушыларды сауатты оқуға, жазуға дағдыландыру, сөздерді талдай білу дағдыларын дамыту;
3. Оқушылардың оқу-білімге деген қызығушылығын арттыру, ұқыптылыққа, жинақылыққа тәрбиелеу.
Сабақтың түрі:Не? Қашан? Қайда? ойыны. Ашық сабақ
Сабақтың әдіс-тәсілдері: түсіндіру, дәптермен,оқулықпен жұмыс, ойын, сұрақ-жауап, талдау түрлері, т.б.
Сабақтың құрал-жабдықтары: интерактивті тақта, қара жәшік.
Сабақтың өту барысы:
Ұйымдастыру кезеңі:
Амандасу. Кезекшімен диалог. Оқушыларды түгендеу.
- Оқушылар, бүгінгі сабағымыз ерекше ойын түрінде өтпек. Ойынымыздың атауы:
Не? Қашан? Қайда?
Ойынның негізгі шартымен таныстырып өтейін: Ойыншыларға әр қаладан көрермендерден тапсырмалары бар конверттер беріледі. Ойыншылардың міндеті: сол тапсырмаларды орындай отырып, ұпайлар жинау. Тапсырмаларды дұрыс орындаған жағдайда 1 ұпайға ие болады. Егер тапсырманы дұрыс орындамаса, көрермен-ойыншылар ұпайға ие болады.
Ойын үстелі 6 секторға бөлінген. 6 секторда сұрақтары бар конверттер орналасқан.
Зырылдауықтың тілшесі ойыншылардың ойнайтын секторы мен түскен тапсырмасын анықтайды. Егер тілше ойналған секторға түссе, онда келесі тапсырма орындалады.
Ойын 6 ұпайға дейін ойналады.
Ойынға қатысатын көрермен хаттары:
1-сектор. Алматы қаласы. Мейрамгүл апай.
2-сектор. Атырау қаласы. Бекболатова Жанар — 3 -сынып оқушысы.
3-сектор. Қостанай қаласы. Омаров Диас — 3 -сынып оқушысы.
4-сектор. Петропавл қаласы. Бақыт Сағынайқызы — қазақ тілі пәні мұғалімі.
5-сектор. Тараз қаласы. Жанбаевтар отбасы.
6-сектор. Астана қаласы. Жамбыл мен Ілияс.
Ойынымыздың шарты мен барысы түсінікті болса, ойынды бастайық! Ең алдымен зырылдауықты жүргізейік, содан түскен сектор тапсырмаларын орындаймыз.
1-сектор. Алматы қаласы. Мейрамгүл апайдан.
Оқулықтың 4-бетіндегі 1-жаттығуды орындау.
Мәтінді мәнерлеп оқу. Ауызша аудару.
Бірінші қыркүйек — Білім күні. Балалар мектепке келді. Оларды мұғалім қарсы алды. Алғашқы қоңырау соғылды.
Сәлем, мектебім!
2-сектор. Атырау қаласы. Бекболатова Жанар 3-сынып оқушысы.
Оқулықтың 5-беті. 4-жаттығу.
Жақшаның ішіндегі сөздерді аударып, сөйлемдерді
толықтырып жаз.
Мынау — (школа). Ол - ....
Мектепте (дети) оқиды. Олар білім ....
(Звонок) соғылды. Үзіліс ....
(Ученики) сыныпқа кірді. Олар орындарына ....
(Урок) басталды. Бұл - .... сабағы.
3-сектор. Қостанай қаласы. Омаров Диас 3 - сынып оқушысы
Құрметті 3 “а” сынып оқушылары маған мына сөздерге фонетикалық талдау жасауға көмектесіңдер. Рахмет.
Сабақ, мектеп.
Тексеруі:
Сабақ – 2 буын, 1-буын ашық, 2-буын бітеу; 5 дыбыс, 5 әріп
С — дауыссыз дыбыс, қатаң;
А — дауысты дыбыс, жуан, ашық, езулік;
Б — дауыссыз дыбыс, ұяң;
А - дауысты дыбыс, жуан, ашық, езулік;
Қ — дауыссыз дыбыс, қатаң.
Мектеп — 2 буын, бітеу буындар, 6 дыбыс, 6 әріп
М — дауыссыз дыбыс, үнді;
Е — дауысты дыбыс, жіңішке, жартылай ашық, езулік;
К — дауыссыз дыбыс, қатаң;
Т — дауыссыз дыбыс, қатаң;
Е — дауысты дыбыс, жіңішке, жартылай ашық, езулік;
П — дауыссыз дыбыс, қатаң.
Сергіту сәті. Оқушылар интерактивті тақтадан бейне сергіту сәтін қимылмен көрсете отырып жасайды.
4-сектор. Қара жәшік. Петропавл қаласы.
Бақыт Сағынайқызы қазақ тілі пәні мұғалімі.
Балалар, менің жұмбағымды шешіп көріңдер.
Сен оқуда қандайсың,
Менен жасыра алмайсың.
Сұрақ: Қара жәшікте не бар? (күнделік)
5-сектор. Тараз қаласы. Жанбаевтар отбасы. Сөзжұмбақ шешіп көріңдер:
1. Мектепте оқушыларға білім мен тәрбие беруші адам.
2. Күнделіктегі ең жақсы баға.
3. Оқушының бағалар қоятын, ата-аналары бақылайтын құжаты.
4. Оған бормен жазамыз.
5. Жіктеу есімдігі І жақ, жекеше түрі
6. Оқушының мектептегі жұмыс орны.
Көлденеңінен: білім ордасы. (мектеп)
Жауаптары: 1. мұғалім 2. бес 3. күнделік 4. тақта 5. мен 6. парта
6-сектор. Астана қаласы. Жамбыл мен Ілияс 3 “б” сынып оқушылары.
Құрметті 3 “а” сынып оқушылары сендерге Астана қаласының №25 мектеп оқушылары Жамбыл мен Ілияс хат жазып отырмыз. Біз мына сөздерді септеуге қиналдық. Сендерден көмек күтеміз. Рахмет.
Мектеп, мұғалім, білім.
Тексеруі:
Атау септігі: мектеп, мұғалім, білім.
Ілік септігі: мектептің, мұғалімнің, білімнің.
Барыс септігі: мектепке, мұғалімге, білімге.
Табыс септігі: мектепті, мұғалімді, білімді.
Жатыс септігі: мектепте, мұғалімде, білімде.
Шығыс септігі:мектептен, мұғалімнен, білімнен.
Көмектес септігі: мектеппен, мұғаліммен, біліммен.
Сабақты қорыту: оқушылардың жинаған ұпайларын санау . Сәтті орындаған және қиналған кездеріне тоқталып, талдау айту.
Үйге тапсырма: 1.жалғау түрлерін қайталау.
2. мектеп туралы мақал-мәтелдер жаттау.
Сабақты бағалау: Оқушыларды тапсырмаларды орындау деңгейіне сай бағалау.
Қоштасу: Сабақ аяқталды. Сау болыңдар!
