Н.Ә. Назарбаев 2009 жылы 13 қазанда әл-Фараби атындағы ҚазМУ-де өткен «Қазақстан дағдарыстан кейінгі әлемде: болашаққа зияткерлік серпін» тақырыбындағы дәрісінде: «Ұлттық интеллектің діңгегін, Қазақстанның зияткерлік элитасын тәрбиелеудің іргетасы болуға қабілетті мектептер құру қажет» деп атап көрсетті.

Мемлекет басшысы қойған міндеттерді орындау үшін оқушының мүмкіндігін барынша аша алатын, оқушының қызығушылығын, икемділігі мен қабілеттілігін толықтай есепке алуға жағдай құра алатын жаратылыстану-математикалық бағыттағы білім беру бағдарламаларын іске асыратын зияткерлік мектептер жүйесінің бағытында жұмыс жасау бүгінгі күннің талабы болып отыр.

«Назарбаев Зияткерлік мектептері» дербес білім беру ұйымының озық тәжірибесін тарату жөнінде Республиканың барлық өңірінен 35 базалық тірек мектептері бекітілді.

Осыған орай, №9 орта мектеп ұжымы 2011-2012 оқу жылынан бастап Талдықорған қаласындағы Назарбаев Зияткерлік мектебіне тірек мектебінің алаңы негізінде, мектептің даму бағдарлмасының ІІІ кезеңі бойынша электронды оқыту жүйесіне көшу жұмыстарын бастаса, өткен оқу жылының мамыр айынан бастап, Назарбаев Зияткерлік мектебінің тірек мектебінің бағдарламасы аясында қызмет атқарып келеді. Зияткерлік мектептің тірек мектебінің 2012-2015 жылдарға арналған «Мектептің даму бағдарламасы» құрылды. Бұл бағдарламаны әзірлеуде:

• «Зерде» шығармашылық орталығының идеялары;
• Оқыту тәжірибесін жетілдіретінтәжірибелі мұғалімдер идеясы;
• «Мұғалім -оқушы», «Оқушы - мұғалім» қарым-қатынасын зерттеуші сынып жетекшілер мен психологтер идеясы;
• Бір-біріне қолдау көрсетіп, өз іс-тәжірибесімен бөлісетін, басқа да озық тәжірибелерді зерделейтін мұғалімдердің кәсіби қауымдастығының идеялары қолданылып, педагогикалық ұжым білім мен тәрбие берудің стратегиялық бағыттарын айқындады.

Бүгінгі таңда білім ошағында дәріс беретін 100 мұғалімінің: І-деңгейлік курстан — 5 мұғалім, ІІ-деңгейлік курстан-6 мұғалім, ІІІ-деңгейлік курстан өткен — 7 мұғалім кәсіби біліктілік деңгейлерін көтерді.

Ал Елбасының биылғы Жолдауында «Барлық дамыған елдердің сапалы бірегей білім беру жүйесі бар.Ұлттық білім беруде барлық буынның сапасын жақсартуды, орта білім жүйесінде жалпы білім беретін мектептерді Назарбаев зияткерлік мектептеріндегі оқыту деңгейіне жеткізу керек» - деп, атап өткендей білім саласындағы басым бағыттың бірін іске асыру бағытында №9 орта мектеп ұжымы ауқымды жұмыстар атқаруда.

Атап айтқанда, озық халықаралық тәжірибеге сәйкес қазақстандық мұғалімдердің біліктілігін арттыру жүйесін дамыту мәселелерін талқылау мақсатында 2011 жылдың 5-6 желтоқсанында «Мұғалімнің кәсіби дамуы: дәстүрлері мен өзгерістері» атты халықаралық ғылыми-тәжірибелік конференцияға мектебімізден 5 мұғалім қатысып, ІІІ-деңгейлік курстың «Жоспарлау, жүйелі және критериалды бағалау үдерістерін жетілдіру» мақсатындағы өзіндік жобалары ұсынылып, «Мұғалімнің кәсіби дамуы: дәстүрлері мен өзгерістері» атты ІІ Халықаралық ғылыми-тәжірибелік конференция жинағына енгізілді.

Ал өткен оқу жылының 27-наурызында Назарбаев Зияткерлік мектебімен бірлесіп, «Оқыту үрдісінің мәселелерін зерттеу» тақырыбында облыстық семинар өткізді. Семинарда мектебімізден ІІ және ІІІ-деңгейлік курста білімін жетілдіріп, сертификат алған 3 мұғалім тәлімгерлік пен коучингті, критериалды бағалауды енгізуді көрсету мақсатында сабақтар берді.

2013 жылдың сәуір айында Алматы облыстық мамандар кәсібін дамыту институтымен бірлесе отырып, «Жаңа формациялы мұғалімінің құзыреттілігі» атты облыстық семинар өткізілді.

2013 жылдың тамыз айында облыстық, қалалық педаог мамандардың тамыз маслихатында «Халықаралық іс-тәжірибені оқу үрдісіне енгізу мен мектептің даму жоспарын жоспарлаудағы әлемдік тәжірибенің ерекшеліктері» атты баяндамалар мен жобалар ұсынылды.

«Назарбаев Зияткерлік мектептері» ДББҰ-ның ұйымдастыруымен 2013 жылдың 1-14 шілде аралығында Ұлыбританиядағы Кембридж университетінің мамандары профессор Колин Маклафлинн мен доктор Энди Чандлер-Греваттың ұйымдастыруымен өткізілген «Мектеп басқарудағы көшбасшылық» атты Қазақстандық мектеп директорлары мен директорлар орынбасарларына арналған халықаралық озық іс-тәжірибе алмасу курсында мектеп директоры Мамлеева Салима Бекентайқызы мен директордың оқу-ісінің орынбасары Ақшолақова Ғалия Молдағалиқызы білімдерін жетілдіріп, халықаралық сертификатқа ие болды.

Мектептің даму жоспарына сай қараша айының 6 және 20 жұлдызы аралығында «Кәсіби қауымдастық» құру мақсатында қаладағы №10,11, 20, 25 мектептермен және Көксу ауданы Балпық би кентіндегі қазақ мектеп-гимназиясының мұғалімдеріне мектептегі деңгейлік курстан өткен және тәжірибелі мұғалімдерден құрылған «Мұғалімдер қауымдастығының» ұйымдастыруымен «Обучение Lesson study через групповую работу» атты коучинг-сессия өткізіді.