Серуен
Құмға бақылау жасау.
Мақсаты: Балаларды құмның қасиеттерімен таныстыру: құрғақ, дымқыл, кішкентай құмыршақтардан тұрады, сұсымалды, суды жақсы өткізеді, құйылады. Дымқыл құмнан әр түрлі құрылыстар жасауға болатынын көрсету.
Керекті құралдар: құм, үлкейткіш шыны, су.
Барысы: Тәрбиеші балалармен серуенге шығып, балалардың назарын құрғақ құммен ойнап отырған Дымбілмеске аударады.
- Сәлеметсіз бе Дымбелмес?
- Сәлеметсіздер ме балалар.
- Сен мына жерде не істеп отырсың?
- Мен құмнан сиқырлы сарай жасай алмай отырмын.
Тәрбиеші: Дымбілмес сен мына құрғақ құмнан ештеңе жасай алмайсың.
- Неге?
- Оны білгің келсе сен бізбен бірге қалып құмның қасиеттерімен танысуың керек.
Тәрбиеші балалармен құрғақ құмды қарастырады /қатты, адыр-бұдыр, сусымалы, құйылады, бірікпейді. Үлкейткіш шыны арқылы кішкентай құмыршақтардан тұратынын көрсету. Құмға су құю, су өткізеді, дымқыл болады, бірігеді, құрылыс жасауға жарайды/.
Тәрбиеші: Балалар бүгін құмның қандай қасиеттерімен таныстық? Құм қандай болады?
Тәрбиеші балаларға Дымбілмеске құрылыс жасауға көмектесуді ұсынады.
- Балалар біз құрылысты қандай құмнан жасаймыз?
- Дымбілмес сен сиқырлы сарайды неге жасай алмағанынды ұқтыңба? /балалар Дымбілмеспен бірге сиқырлы сарай жасайды/
Балалар құрылыс жасап жатқан кезде 2-3 бала гүлдерді суарады.
Мақсаты: балаларды гүлдерді күтүге үйретуді жалғастыру, еңбекқорлыққа тәрбиелеу.
Жеке-дара жұмыс: допты 2 қолмен бір-біріне лақтырып қағып алуды жаттықтыру.
Мақсаты: дене тәрбиесі сабағында өткен жаттығуларды бекіту, ептілікке, жылдамдыққа үйрету.
Тәрбиеші жеке дара жұмыс өткізген балалармен бірге құрылыс жасап жатқан балалардың жұмысын көруге барады.
- Балалар сендер Дымбілмеске көмектестіңдерме?
Дымбілмес: Рахмет сендерге балалар, енді мен білемін қандай құмнан құрылыстар жасауға болатынын. /балалармен қоштасып кетеді/.
Тәрбиеші: Балалар сендер Дымбілмеске көмектескенде кім болдыңдар? Құрылысшылар.
Тамаша, балалар, сендер шаршаған шығарсыңдар. Ал енді ойын ойнап, дем алайық.
Қимылды ойындар «Қасқырқақпан», «Ұшақтар».
Өз еркімен ойнау.
