Мақсаты: Емтихан алдында түлектердің мазасыздану деңгейін төмендету, емтиханға деген жауапкершілік сезімін ояту.
Қазіргі заманда жиі қолданатын, сәнді сөз. СТРЕСС — бұл адам ағзасының физикалық және психикалық тұрғыдан күштену қалпы. Біз оны әруақытта сезінеміз — сыныпта өзімізді тұрып таныстырарда, асқазанның ішінде қуыс бардай сезім болады, емтихан уақытында шексіз ашулану, ұйқысыздық. Болмашы стрестің өзі шарасыздыққа алып келеді. Стресс адам тіршілігінің ажырамас бөлігі. Дей тұрғанмен стрестің өте қауіпті жағдайларын ажырата білу керек. Оқушылардың мазасыздану себебінің ең алдыңғы қатарында емтихан уақытында стресс екенін зерттеулер анықтады.Ұлттық бірыңғай тестілеудің енгізілуі жағдайды мүлдем қиындатты. Себебі: ҰБТ-тапсыра отырып, білім деңгейі тексерілсе, екіншіден алдағы өмірін шешеді. Жүргізілу барысы:
Психолог. Саламатсыздар ма! Алдағы уақытта сіздерді емтихан күтіп тұр.Әр қайсыңыз емтихан алдында қобалжисыздар, уайымдайсыздар. Сол сезімді басымыздан өткізіп көрейік.
Емтихан уақытын елестетіңіз, енді сол кездегі толғанысыңызды 0 ден 100 балмен бағалаңыз. .
0 балл — емтихан кезінде мүлдем қобалжымайтыңызды, сабырлы күйді білдіреді.
100 балл — сіз өте қобалжулысыз, ойыңыз сан жақта, қай істі қолға алсаңызда аяқтай алмай орта жолдан қалдырасыз, сасқалақтайсыз
Жаднама. Стрестен шығудың жолдары
Жеткіншектер және жас өспірімдермен түрлі тақырыптарға сұхбаттасу керек.
- Аутогендік жаттығу;
- Көбірек қозғалу;
- Шиеленісті жағдайды тез арада шешу;
- Киноға бару, өлең тыңдау, ұнаған ісімен шұғылдану;
- Көк және жасыл түстерге қарау;
Жедел стресс кезіндегі "біріншілік көмек"
Стресті жағдайларға ағзаның жауабы бірнеше ғасырдан бері табиғи жолмен қалыптасқан, яғни ағзаны төтенше жағдайларға дайындайды, яғни стресс кезінде бұлшықеттен көп мөлшерде энергия сыртқа шығады. Бұл өз кезегінде мәселенің оңай шешілуіне әкеледі, тіпті сіздің ағзаңызға өзінің оң әсерін де тигізіп кетеді.
Өкінішке орай, қазіргі заманда стресті жағдайдан осылай шығу өте сирек кездеседі. Біздің мүмкіншіліктерімізді заң, әдет- ғұрып ережелері шектейді. Ал стресті жағдайлар одан сайын шығып жатады. Сондықтан стресті жағдайлардан тез шығудың амалдарын үйрену керек.
Бірінші және ең бастысы: өз-өзіңізді қолға алып, шоктың дамуын тоқтату үшін, өзіңізге "ТОҚТА!" деп айтыңыз. Қандай жедел жағдайлар болмасын салмақты, сабырлы болуға тырысыңыз. Сіздің орныңызға басқа біреулер жүйкесін тоздырсын! Небір ауыр кикілжіңдерде өз-өзіңізді ұстасаңыз, сіз ол жерде әлсіз жақ болып қалмайсыз. Керісінше: сіз ол жерде мықты және тұрақты тұлға ретінде қаласыз.
Жедел стресті жағдайдан құтылуға көмектесетін бірнеше амалдар
Стерске қарсы, тыныштандырушы дем алу әдістері.
- мұрын арқылы баяу, терең дем алыңыз; қысқа уақытқа деміңізді ұстаңыз, содан кейін баяу тынысыңызды шығарыңыз. Әр деміңіз арқылы барлық стерсс, кернеу, қатыгездіктің шығып жатқанын елестетіңіз. Бұл жаттығуды әр дем шығару мен ұстауды ұзарта отырып, 8-10 рет қайталау керек.
Бұлар әр ересек адамның адал және жауапты іс-әрекеті болып табылады, эмоциялардың жағымсыз салдарының алдын алады. Өкінішке орай эмоцияға салынып, бойымызды ашуға алдырып, қатал және дөрекі сөздерді де айтып жібереміз. Оның орнына өзіңіздің ренжісіңіз бен оның себептері туралы өз туысқандарыңызға түсіндіріңіз. Сонда ғана керек емес ренжісулер мен ұрыс-қарыстар болмайды. Егер де жағдайды тез арада өзгерту мүмкін болмаса, оған деген көзқарасыңызды өзгертуге тырысыңыз. Әр оқиғаның оңтайлы жағын іздестіруге ұмтылыңыз.
Күліңіз! Мейлінше жиі күліңіз! Күлкі — стреске қарсы келетін күшті ем. Өз қиыншылықтарыңыздан бір күлкілі нәрсе көру — мәселеге деген қөзқарасты өзгертудің ұтымды әдісі. Кикілжіңді, ренжісті әзілге айналдыру — оппонентіңізді қарусыздандырудың бір әдісі болып табылады.
Психолог:Бүгінгі біз сіздермен емтихан кезінде жақсы нәтижелер көрсету үшін қобалжу, мазасыздануды төмендету тәсілдері жайында өте маңызды тақырыпта талқыладық. Бүгінгі сабақтан өздеріңізге емтихан уақытында қажет жаңа нәрселер алды деп ойлаймын.
Сіздермен пікір алмасу, ой талқылау мен үшін өте қызықты болды. Сіздерге рахмет! Сау болыңыздар.
