Қазақстан Республикасы, Степногорск қаласы
Ақмола облысының білім басқармасының жанындағы «Степногорск қаласы, Тау-кен техникалық колледжі» МКҚК
Қазақ тілі және әбебиеті пәндерінің оқытушысы
Даниярова Лаззат Оразалиевнаға
Сабақтың білімдік мақсаты: Тау-кен қазбаларының жерасты орналасуы туралы түсінік беру.
Сабақтың дамытушылық мақсаты: күнделікті алған білімдерін өмірмен байланыстырып, жетілдіру.
Сабақтың тәрбиелік мақсаты: тілдік қорларында сөздерді дұрыс қолдана білу.
Құрал-жабдықтар: АСТІYBOARD интерактивті тақтасы.
Сабақтың түрі: бекіту
Сабақтың барысы:
І. Ұйымдастыру кезеңі - 5 мин.
Сәлеметсіздер ме құрметті оқушылар, қонақтар!
Менің аты-жөнім Даниярова Лаззат Оразалиевна. Қазақ тілі және мемлекеттік тілде іс жүргізу пәнінің оқытушысымын. Жоғарғы санатты ұстазбын. Еңбек стажым 28 жыл. Осы колледжде еңбек еткеніме 15 жыл.
ІІ. Көкейкестілігі — 5 мин.
Егеменді еліміздің болашақ азаматтарына қазақ тілі мен әдебиеті пәнінен тиянақты да терең білім беру, оларды практикада қолдана білу дағдыларын қалыптастыру — бүгінгі ұстаздар алдындағы үлкен жауапкершілікті талап етуде.
Қазақ тілі Қазақстан Республикасының мемлекеттік тілі болғандықтан, оны оқытудың маңызы да күшейіп отыр. Тіліміздің келешегі қазіргі ұрпақ қолында, сондықтан олардың тіл меңгеруіне көп көңіл бөлу керек деп ойлаймын. Менің қазақ тілін оқытудағы негізгі мақсатым — қазақ тілі пәнінен алған теориялық білімдерін күнделікті жүргізілетін жазба жұмыстарында қолдана алу дағдысын қалыптастырып, стильдік жағынан дұрыс сөйлеуге, сауатты жазуға, ойын әсерлі етіп баяндауға үйрету. Қазақ тілін тереңдетіп оқитын топтарда сатылай комплексті талдау жүргізу өз нәтижесін көрсетуде. Бұл әдістемені Нұрша Оразахынованың «Сатылай комплексті талдау» деп аталатын оқу әдістемелік құралына сүйене отырып, өз тәжірибемде қолданып келемін. Тілдің әрбір саласын сатылай комплексті талдау арқылы меңгерген оқушы кейін жоғарғы оқу орындарында оқытылатын тілдің ғылыми курстарын оңай меңгере алады.
Қазақ тілін мемлекеттік тіл ретінде жеделдете меңгерту екінші тілдік тұлғаны қалыптастыруды мақсат етеді. Қазақ тілін оқыту әдістемесіндегі инноватор ғалым Қ.Қадашева бұған қатысты «Адамдар екінші тілді үйренгенде жаңаша ойлап, сезініп, өзі әрекет жасап үйренеді және сол тілді меңгеру арқылы екінші тұлға болып кетеді. Жаңа тілдік «Мен» екінші тілімен араласып, жақындасып, тілге қызығушылығы артады, мәселелерді шешуге белсенді болады және өзін еркін жеңіл сезінеді» деп пайымдайды.
Дамыта оқыту, ізгілендіру, сын тұрғысынан ойлау технологиялары арқылы жүргізуге негізделген бұл пән оқушыға көп тілдің ішіндегі ана тілінің орнын түсіну, қызметін білу, туған жердің жеке адам өміріндегі маңызы жайлы көзқарасының қалыптасуына игі ықпалы мол екені байқалуда.
Осы негізде дамыта оқыту идеясын дарынды балалармен жұмыс жағдайында жүзеге асыру барысында қазақ тілі мен әдебиет негізінде профессионалдық білім беру қажеттігі туындайды.
Өз тәжірибемде «Сын тұрғысынан ойлауды дамытуға» арналған әдіс- тәсілдерді пайдалана жүріп, оқушылардың шығармашылық иесі екендігін сезінуіне, ой өрісін дамытуға, дүниетанымын молайтуға негіз болғанын байқадым.
Блок жүйесімен оқытудың тиімді екенін тәжірибемнен байқадым. Блок жүйесімен оқытуда сағат саны үнемделіп қана қоймай, тыңғылықты білім беріліп, әрбір оқушы жауапкершілікті сезініп, дәрістік әдіске де бейімделе түседі.
Түсіндірме сөздікте «Технология — бұл қандай да болсын істегі, шеберліктегі, өнердегі амалдардың жиынтығы» делінген.
М.М. Жанпеисова, К.Сариева, Н. Оразахынова, Қараев, В.В. Воронов, М.В. Кларин, Л.В. Занковтың технологияларын сабақтарымда қолданамын. Осылардың ішінде сіздерге ұсынатыным модульдық оқыту технологиясының элементі.
ІІІ. Шеберлік - кластың жұмысы — 5 мин.
ІҮ. Шеберлік - класты қорытындылау — 5 мин.
Оқытушы: Интерактивтік оқыту тәсілі оқушылардың білім деңгейлерін жаңа кезеңге шығарады. Қорытынды жасау, талдау және ғылыми көзқарастарын қалыптастырады.
Рефлексия:
- бүгінгі сабақ бойынша қандай тәсілдерді атқарып шықтық;
- Тау-кен қазбаларының жерасты орналасуын атап шығыңыздар;
- қандай қиыншылықтармен бүгін кездестіңіздер;
- өз атқарған жұмыстарыңызды бағалап, өздеріңізге баға қойыңыздар.
