Қазіргі таңда жеке тұлғаға бағытталған сабақ– бұл мұғалімнің шығармашылық орта қалыптастыруы ғана емес, сондай-ақ оқушылардың субъект ретіндегі өмірлік тәрбиесін үнемі назарға ұстауы. Заман талабы қоғамымызда рухани бай, терең білімді, көнеден келе жатқан асыл қазыналарды бағалап, оны әлем мәдениеті деңгейіне көтеретін, халық мұратын дамытатын, шығармашылық қабілеті мен танымдық белсенділігі жоғары тұлға тәрбиелеп шығаратын оқу-әдістемелік кешеннің болуы.
Танымдық белсенділік — жас ұрпақтың оқуға, өнерді тани білуге деген ынта-ықыласының, құштарлығының ерекше көрінісі. Баланың оқып-үйренуіне негізгі түрткінің бірі — қызығу. Қызығуды туғызу үшін оқушыларға берілген білімнің мақсаты мен қажетін түсіндіріп, оларға нақты өнер-білімнің сатыларын үйрету керек. Әрбір ұрпақты жеке тұлға етіп тәрбиелеу үшін білім мен білігіне сай келетін оқыту бағдарламасын таңдай отырып, олардың жеке шығармашылық мүмкіндіктерін дамыту керек.
Мұғалімнің негізгі мақсаты — өз бетінше дами алатын жеке тұлғаның белсенділігін қалыптастыру, оқушыларға өз бетінше танымдылық әрекет әдістері мен дағдыларын меңгерту, ақыл-ой қабілетін жетілдіру. Осы мақсатты жүзеге асыру үшін төмендегі міндеттерді шешу керек.
Сабақ жоспарының құрылымы дәстүрлі үш функцияға байланысты оқу мақсатына негізделеді:
Қазақтың тарихи көркем өнерін жақсы білетін және жаңа заман талабына сай жаңа технологияларды меңгерген, әрі жан-жақты сауатты жеке тұлға тәрбиелеп шығару бейнелеу өнері пәні мұғалімдерінің негізгі міндеті болып табылады. Бұл орайда үйірме жұмыстарының алатын орны ерекше. Осы үйірме сабақтарының міндеттері негізінен: оқушы бойындағы кәсіптік білімді қалыптастыру, біліктілік пен танымды, еңбекке деген сүйіспеншілік пен қарым-қатынасты тәрбиелеу, саналы түрдегі еңбек тәртіптерін сақтау, үнемділік пен еңбек өнімділігіне жетуді үйрету, шығармашылық белсенділікті арттыру, конструкциялық ой-өрісін дамыту болып табылады.
Әр мұғалім өзінің пәні бойынша оқушылардың бойына білім нәрін сіңіру үшін үнемі ізденісте болуы — қазіргі өмір талабының басты міндеті. Бұл орайда мұғалім зертханасының алатын орны ерекше. Мұғалім зертханасын мынадай топтарға жіктеуге болады:
