Сценарий мақсаты: балаларда мерекелік көңіл –күй тудыру; шыршаның қалайәдемідесәндібезендірілгеніне, балалардың, Аязатаның, Ақшақардың, карнавалдықкиімдеріне назар аударту;көңілді ойындар ойнату, достық қарым-қатынасын ояту, бірлескенойындар ойнату, аудиторияға мерекелік көңіл –күйжасау.

Сценарий кейіпкерлері: Аяз ата, Ақшақар, Фея, Африкандықтар, швейцарлықтар, қытайлар, үнділер.

Оқушылар залға кіреді.

Музыка ойнап тұрады.

Фея:

Тезірек, тездетіп мұнда жиналыңдар,

Басталады Жаңа жылдық маскарад,

Маска да бар, би де бар, асығыңдар,

Шырша жанында қонақтарды қарсы алыңдар.

Аяз ата шақырғанның бірі дағы қалмайды,

Басталады, басталады, жаңа жылдық маскарад!

Осы кезде 1 сынып оқушылары Жаңа жыл туралы өлеңдерін айтуға шығады.

Жаңа жыл, жаңа жыл.

Жаңа жылда-жаңа жыр.

Жасыл шырша жанында

Жадырап бар бала жүр.

Тамаша, тамаша!

Шыршамыз тұр жараса.

Басында әсем жұлдызы

Көз тоймайды қараса.

Жасыл желек жамылған,

Асыл моншақ тағылған,

Miнe, сұлу шыршамыз.

Көптен күтіт, сағынған,

Кел, балалар, келіндер,

Тамашаны көріңдер.

Феяға бәpi қосылып:

Қала нұр, дала нұр

Құтты болсын Жаңа жыл!

Фея:

- Жаңа жыл ерекше мейрам, оны тек қана балалар ғана емес ересектер де жыл бойы күтеді. Ол бір сиқырлы мереке. Бұл сиқырлы мерекеде ән айтамыз, би билейміз, ойын ойнап, көңіл көтереміз. Ал, Жаңа жылдың сиқырын көру үшін қандай ағашты безендіреміз? Шыршаны, дұрыс. Қане, балалар сұлу шыршамызға арнап дайындаған әндерімізді, оны айнала жүріп айтайық. Жаңа жылдық мерекемізді содан бастайық!

Хоровод. Маленькой елочке, в лесу родилась елочка минусовкалары қосылады. Jingl Bells өлеңі қосылған кезде барлығы шыршаны айнала билейді.

- Балалар, шыршамыздың шамдарын жағу үшін оған тағы бір арнайы ән айтайық. Бәріміз бірге! Тауда туып, тауда өскен.....

Бәріміз бірге: Таңдат бізді таңырқат,

Шамдарыңды жарқырат, 3 рет айтылған кезде шырша шамдары жағылады.

Фея: Балалар, Жаңа жылда сендер кімді тосасыңдар? Сендерге сыйлық әкелетін кім? Оның немересінің аты қалай?

Бір кезде жарық өшеді, поезд жүрісінің дыбысы шығады. Жарық жанғанда поездден Почтальон Печкин келеді.

Фея: Қош келіпсіз, Печкин мырза.

Печкин: - Сәлеметсіңдер ме, балалар! Сендер Аяз атаны тосып отырған шығарсыңдар. Ол сендерге осындай хат жазып жіберді.

Фея: - Құрметті балалар, біз немерем екеуміз Жаңа жылға қызу дайындықтамыз. Сендерге асыға келеміз.Бірақ менің бір өтінішім бар, маған көмектесіңдерші. Мені басқа елдерде қалай атайды? Қартайғандықтан есте сақтау қабілетім нашарлапты.

Ал, балалар, кездескенше. Немерем екеуміз сендерге асыға келеміз! — деп жазыпты Аяз ата. Аяз атаға көмектесеміз бе? Олай болса Жаңа жылдық планетамызды саяхаттауға аттануымыз керек. Бірақ алдымен саяхатқа дайындылайық. Ең алдымен шет елдерді еске түсірейік.

Проекторда Африка, Үндістан, Қытай, Швейцария елдерінің суреттері, тулары көрсетіледі. Балалар оларды айырып айту керек.

Фея: Қане, балалар, поезға отырып аттанайық.

Жарық сөнеді, поезддың жүрісі естіледі. Поезд тоқтаған кезде, жарық жағылып, үнді музыкасы ойнайды, проекторда Үндістаннның суреттері тұрады. Балаларды Үнді халқының өкілдері қарсы алады.

Үнділер: Үндістанда Жаңа жыл қарсаңында көптеген тәтті тағамдар дайындалады.Олар айналасын түрлі түсті гүлдермен, шамдармен безендіреді, сиыр жануарын пір тұтатындықтан оған да ас береді. Сонымен қатар биші қыздар би билеп, адамдар ең үздік бшіні таңдайды. Қане, сондай бірЖаңа жылдық биді біз сендерге көрсетейік.

Үнділердің орындауында би.

Ойын: Досыңа дәм татқыз

2 ұл бала мен 2 қыз бала шақырылады. Қыз бала ұл балаға дәм татқызады. Кім тез жеп қойса, сол жеңеді.

Үнді халқының жаңа жылды қарсы алу дәстүрінен үзінді көрініс.

Фея: - Қане, балалар, жаңа үнділік достарыңмен қоштасып, ары-қарай барайық.

Балалар: - сау болыңдар! Жаңа жыл құтты болсын!

Балалар поездға отырады, жарық сөніп, поезд үні шығады. Поезд тоқтаған кезде, жарық жанып, балаларды африканша билеген Африка елінің өкілдері қарсы алады.

Африкандықтар: - Африка еліне қош келдіңдер! Біз сендерді Жаңа жылмен құттықтай отырып, сендерге біздің елде Жаңа жылды қарсы алу дәстүрлерімізді айтып, кейбірін көрсеткіміз келеді.

Көрініс: Африканша Жаңа жыл

Би: Африканың Жаңа жылдық биі

Ойын: Африкалық би марафоны

Ойынға 4-6 бала қатысады. Жерге газеттер салынады, балалар музыка қосылған кезде газеттерді айнала жүгіреді. Музыка тоқтаған кезде бала газетке тұру қажет. Үлгермеген ойыннан шығады.

Фея: - Рахмет, сіздерге. Жаңа жылдарыңыз құтты болсын, өкінішке орай біз келесі елге баруымыз керек. Сау болыңыздар!

Балалар қоштасады.

Балалар поездға отырады, жарық сөніп, поезд үні шығады. Поезд тоқтаған кезде, жарық жанып, балаларды билеген Швейцария елінің өкілдері қарсы алады.

Швейцария елінің өкілдері: - Гутен таг! Біздің елге хош келіпсіздер! Швейцария елінде де Жаңа жыл ерекше тойланады. Бұл өте көңілді мейрам болғандықтан, ән айтылып, би биленеді, ойындар ойналады. Жаңа жыл, шырша туралы өлеңдерімізді сөздерге арнап орындаймыз.

Келесі әнді шыршаны айнала, бірге айтып көрейік.

В лесу родилась елочка әні неміс тілінде айтылады.

Ойын: Қапшықтағы жемістер.

2 оқушы ортаға шығады. Берілген қапшықтан балалар айтылған жемісті алып шығу керек.

Фея: Рахмет! Бізге сіздердің елдеріңізде өте ұнады. Бірақ кетуіміз керек.

Балалар қоштасады.

Балалар поездға отырады, жарық сөніп, поезд үні шығады. Поезд тоқтаған кезде, жарық жанып, балаларды билеген Қытай елінің өкілдері қарсы алады.

Қытайлықтар амандасып, өздерінің Жаңа жылды қарсы алу дәстүрлері туралы айтып көрсетеді.

Қытай Жаңа жылдық биі.

Ойын: Шарлар.

Ортаға екі топ бала шақырылады. Ең көп шар жарған топ жеңеді. Шарды отырып жару керек.

Фея: - Балалар, Қытай елімен қоштасатын кез келді. Сау болыңыздар!

Балалар қоштасады.

Фея: - О, міне балалар үйге де келіп жеттік. Балалар бұл кімнің дауысы?

Бұл кезде Аяз атаның әндеткен дауысы естіледі.

Аяз ата келіп: - Аяулы аналарға,ардақты ұл-қыздарға

Бүлдіршін балаларға бip сәлем!

Қандай жарқын жүздерін,

Қандай әсем жырларың

Асаулармен алысқап,

Асау желмен жарысқан

Аталарың сендерге

Шаршап келді алыстан.

Балалар маған жасаған көмектерің үшін үлкен рахмет.

Ақшақар: - Сәлеметсіздер ме? Жаңа жылдарың құтты болсын! Қандай әдемісіңдер! Аяз атаға арнап қандай өлеңдер дайындадыңдар.

Балалар өлең, тақпақ,әндерін айтады. Шырша жанында екі өлең айтады.

Аппақ-аппақ жапалақтап, в лесу родилась елочка әндері.

Фея: - Балалар, Аяз ата, Ақшақар, ал сіздер білесіздер ме, келе жатқан Жаңа жыл қой жылы екен. Қой жылы біз үшін тиыш, момын болмақ. Бүгін біздің арамызда қой жылы туған балалар бар екен. Бұл балаларды ерекше құттықтап, арнайы кішкене сыйлық дайындап едік. Қане, келіңдер!

Ансар, Маржан, Азамат, Руслан, Дарина, Гүлдана марапатталады.

Ендігі кезекте балалар костюмдерін қорғайды.

Аяз ата, Ақшақар сыйлықтарын таратып, қоштасып кетеді.

Фея: Құрметті қонақтар, балалар! 2015-ші жаңа жылға арналған мерекеміз аяқталып қалды. Көріп тамашалағандарыңа рахмет. Жаңа жыл құтты болсын, отбастарыңызға тек бақыт пен куаныш әкелсін!!!