Алия Сериккажыевна
Должность:учитель математики
Группа:Посетители
Страна:Казахстан
Регион:Казахстан. ВКО. г. Семей
25.03.2016
0
210
0

Муздубаева Д. К. "Жер" ұғымының құндылық ретінде мәнін ашу

Мұздыбаева Даметкен Кеенжебековна

«Бақыршық орта мектебі» КММ

Өзін-өзі тану пәнінің мұғалімі 

Сабақ мақсаты:  «Жер» ұғымының құндылық ретіндегі мәнін ашу.     

 

Міндеттері:   - жердің адам өміріндегі маңыздылығын түсіндіру;

            -жерге қамқорлық жасау  қарым-қатынастарын дамыту;

            -жерді қадірлеуге  тәрбиелеу;

Ресурстар: (құралдар, мәлiметтер)

 Сабақ барысы: 5т.(тәртіп ,талап, тыныштық ,тазалық , татулық)

1.Ұйымдастыру кезеңi.                                                                                                                                       Тыныштық сәті.                 Су асты патшалығына ойша саяхат.                                                               (Оқушылардан шеңбер құрып отыруды, қолдарын тізесіне немесе үстел үстіне қоюды, аяқтарын айқастырмауды өтініңіз. Арқаларын тік ұстауын қадағалаңыз. Жайлы, баяу музыка қойыңыз).                                                                                                                                               

    Мұғалім: Көзіңізді жұмыңыз және бірнеше рет  терең тыныстаңыз; денеіңізді босатыңыз. Бірнеше секундтан соң теңіз түбіне саяхат жасаймыз.                                                                         Теңіз жағасымен келе жатқаныңызды елестетіңіз. Толқындардың жеңіл шалпылына, шағалалардың шуылына құлақ түріңіз. Жалаң аяқтарыңызбен құмды сезініңіз. Шалғайдан қара нүкте көріп тұрсыз: ол жақындаған кезде дельфин екенін түсіндіңіз. Ол сізді теңіз түбіне алып кету үшін келді. Ол өте әдепті жәндік, сізді шыдамдылықпен күтіп тұр. Жайлап оның арқасына отырыңыз, мықтап ұстап, жолға шығыңыз. Дельфиннің арқасында жайланып отырып, өзіңді қауіпсіз сезіну, су астында жүзу қандай керемет. Жанжағыңызға қараңыз: мұнда кемпірқосақ тәрізді арлы-берлі жарқырай қалқыған әсем балықтар қаншама. Теңіз түбіне бойлаған сайын айнала қалайша өзгереді, суда тербелген қаншама ғажайып балдырлар. Қараңызшы, қандай орасан зор балықтар, ал енді анау жаққа көз тастаңыз... бұл орасан зор сегізаяқ. Су асты неткен қызықты әрі ғажап әлем. Сіз бір нәрсені байқадыңыз ба? Мұнда неткен тұңғиық, толық тыныштық. Осы тыныштық күйде болыңыз.(Мұғалім бірнеше секунд үнсіз қалады).

Ал қазір жоғарыға,  өз әлемімізге кері қайтуға дайындалыңыз. Айналаға жіті қараңыз. Ғажап түстерге тағы бір рет қараңыз және тыныштыққа құлақ түріңіз. Осындай тыныштық сізге самалдай әсер береді. Енді дельфин кері қарай жолға шықты. Сіз су бетіне шықтыңыз, жағаға жақындадыңыз. Дельфиннің арқасынан түсіңіз, оны сипалаңыз және осындай ғажап саяхатқа апарғаны үшін ризашылық білдіріңіз.

Сыныпқа оралыңыз және өз орныңызға келіңіз. Бірнеше секундтан соң көзіңізді ашыңыз, осы түйсінген тыныштықты өз бойыңызда сақтауға тырысыңыз.

 

 

үнтаспа

2.Үй тапсырмасын тексеру: Көктем иісі. 133-134бет, дәптер-28 сабақ.                                             -Бала көктем иісін қалай сезінді?                                                                                                               -« Көктемнің иісі»деген ұғымды сендер қалай түсінесіңдер?                                                                -Жермен сырласа білесің бе?                                                                                                                      -Неліктен адамдар жерді анаға теңейді?                                                                                                -Жермен жүріп келе жатқанда қандай сезімде боласыңдар?

оқулық

3.Дәйексөз. Баптағанға – жер жомарт. (Халық даналығы)

Дәйексөзді оқушылармен бірге талданып, мәні түсіндіріледі .                                                                       Бәріміз қосылып айту, 2-рет ұлдарға, 2- рет қыздарға айтқызу.

 

 

4.Әңгiмелеу (сұхбат). Бейнекөріністер көрсету.                                                                                                      -Табиғат сендерге несімен ұнайды?                                                                                                                       –Бұл жерді неліктен ғажап жер деп атаймыз?                                                                                                   - Ал сендер Қазақстанның осындай көрікті жерлерін сақтауға қандай үлес қосар едіңдер?

бейнетаспа

5.Шығармашылық жұмыс, топтық жұмыс: 1-топ. «Жердің қасиеті», 2-топ «Жерге қамқорлық» туралы жазып топтастыру жасайды, тақтаға іліп, жариялайды.

постер

6.Топпен ән айту.        «Туған ел»   Сөзі: Ә.Сәрсенбаев.  Әні: Л.Хамидм.

 

 Сүйікті туған ел,             Сүйікті туған ел,                   Сүйікті туған ел,

 Шарықтап өсе бер!         Көк майса көркем ел,          Бауырында айдын көл.

Ардақты ата-ана                Көңілді көтере                       Жаһанда сендей бір,

Азаттық күресте                Қойнынан жұпардай              Маұтауға тұарлық,

Шынығып, өскен ел.         Аңқылдай ескен жел,             Сүйкімді бар ма  жер?

Гүлденіп, көркейіп,           Гүлденіп, көркейіп,               Гүлденіп, көркейіп,    

Өсе бер, өсе бер!                Өсе бер, өсе бер!                     Өсе бер, өсе бер!

 

үнтаспа

7.Үй тапсырмасы: «Таза бұлақ» 139-140 бет, дәптер-29сабақ

Оқулық

 

8.Соңғы тыныштық сәтi. (Тыныштық... бар жерде, тыныштық... бүкiл әлемде)

      Балалар, денелеріңді түзу үстап, бастарыңды жоғары көтеріп, ыңғайланып отырындар. Көздеріңді жұмсаңдар да болады. Ауаны терең жұтып, еркін тыныс алыңдар. Өздеріңнің тыныс алуларыңды  бақылап, бақытқа, махаббат пен тыныштыққа толы таза, шипалы ауа-ның тұла бойларыңа толғанын сезініңдер. Ал енді көздеріңді ашсаңдар да болады

 

 

 

Комментарии пользователей /0/
Комментариев нет...
Информация
Посетители, находящиеся в группе Гости, не могут оставлять комментарии к данной публикации.
Наши услуги



Мы в соц. сетях

    Персональные сообщения